2010, ഓഗസ്റ്റ് 30, തിങ്കളാഴ്‌ച
മേഖല വിജ്ഞാനോത്സവം ഡിസംബറില്‍
മേഖല വിജ്ഞാനോത്സവം 2010 ഡിസംബര്‍ മാസത്തില്‍ നടക്കും . എല്‍ പി വിഭാഗത്തിന് ഒരു ദിവസവും യു പി, ഹൈ സ്കൂള്‍ വിഭാഗങ്ങള്‍ക്ക് രണ്ടു ദിവസവും വിജ്ഞാനോത്സവം നടക്കും. ഡിസംബര്‍ 11,12 ശനി ഞായര്‍ ദിവസങ്ങളില്‍ മേഖലകളില്‍ തിരഞ്ഞടുത്ത കേന്ദ്രങ്ങളില്‍ സഹവാസ ക്യാമ്പ്‌ ആയാണ് ഈ വര്‍ഷത്തെ വിജ്ഞാനോത്സവം. തുടര്‍ന്നു ജില്ലാ സംസ്ഥാന തലങ്ങളിലും വിജ്ഞാനോത്സവം നടക്കും
ജില്ലാ പ്രവര്‍ത്തക സംഗമം സെപ്റ്റംബര്‍ പത്തിന്
പരിഷത്ത് കണ്ണൂര്‍ ജില്ലാ പ്രവര്‍ത്തക സംഗമം സെപ്റ്റംബര്‍ 10 വെള്ളിയാഴ്ച കണ്ണൂരില്‍ നടക്കും.
2010, ഓഗസ്റ്റ് 11, ബുധനാഴ്‌ച
ശാസ്ത്രജ്ഞരുമായി മുഖാമുഖം
കേരള ശാസ്ത്ര സാഹിത്യ പരിഷത്തും പരിസര രംഗത്തെ ഇടപെടലുകളും എന്ന വിഷയത്തില്‍ മുഖാമുഖം നടത്തി. ഡോ . യു കെ ഗോപാലന്‍, ഡോ. വി എസ് വിജയന്‍, പ്രൊഫ്‌. വി ആര്‍ രഘുനന്ദനന്‍, വി കെ മധുസൂതനന്‍ ഡോ. ഖലീല്‍ ചൊവ്വ എന്നിവര്‍ പങ്കെടുത്തു. ടി. ഗംഗാധരന്‍ മാസ്ടെര്‍ മോഡറേറ്റര്‍ ആയി. പ്രൊഫ്‌. എന്‍. കെ. ഗോവിന്ദന്‍, കെ. വി. ജാനകി ടീച്ചര്‍ എന്നിവര്‍ സംസാരിച്ചു.
കീടനാശിനി പുഴയില്‍ തള്ളിയത് ഗുരുതരമായ ആരോഗ്യ പരിസര പ്രശ്നങ്ങള്‍ ഉണ്ടാകും
ആലക്കോട് പഞ്ചായത്തിലെ രയരോം പുഴയില്‍ കീടനാശിനികളും രാസ വസ്തുക്കളും തള്ളിയത് ഗുരുതരമായ പരിസര പ്രശ്നങ്ങളും ആരോഗ്യ പ്രശ്നങ്ങളും ഉണ്ടാക്കുമെന്ന് സ്ഥലം സന്ദര്‍ശിച്ച വിദഗ്ധ സംഘം അഭിപ്രായപ്പെട്ടു . കീട നാശിനികള്‍ ആയതിനാല്‍ ടിന്‍, പ്ലാസ്ടിക് തുടങ്ങിയ പാത്രങ്ങളിലും കവറുകളിലും മറ്റുമായിരിക്കും ഇവ സൂക്ഷിച്ചിരിക്കുക. അവ തുറന്നുപോകാതതാണ് ഇപ്പോള്‍ അപകടങ്ങള്‍ കുറയാന്‍ കാരണം. രയരോം മുതല്‍ കുപ്പം വരെ പുഴയില്‍ അടുത്ത മഴക്കാലം വരെയെങ്കിലും സ്ഥിരമായ പരിശോധന നടത്തണം. കീടനാശിനി സ്റ്റോക്ക്‌, വില്പന, ഉപയോഗം എന്നിവ സംബന്ധിച്ച് കൃത്യമായ പരിശോധന നടത്തണം. തെറ്റായ ഉപയോഗത്തെക്കുറിച്ച് ബോധവല്‍ക്കരണം വേണം. കേരള ജൈവവൈവിധ്യ ബോര്‍ഡ്‌ മുന്‍ ചെയര്‍മാന്‍ ഡോ വി എസ് വിജയന്‍, കേരള കാര്‍ഷിക സര്‍വകലാശാലയിലെ പ്രൊഫ്‌. വി ആര്‍ രഘുനന്ദന്‍, പരിഷത്ത് ജില്ല പ്രസിഡന്റും കൃഷ്ണമേനോന്‍ വനിതാ കോളേജില്‍ രസതന്ത്രവിഭാഗം മേധാവിയുമായ പ്രൊഫ്‌. എന്‍ കെ ഗോവിന്ദന്‍ , കെ. വി.ജാനകി ടീച്ചര്‍, ജില്ല സെക്രട്ടറി ടി. വി. നാരായണന്‍, സംസ്ഥാന കമ്മറ്റി അംഗം വി വി ശ്രീനിവാസന്‍ എന്നിവര്‍ പുഴയും പരിസരവും സന്ദര്‍ശിച്ചു. 
കണ്ടല്‍ മാപ്പിംഗ് നടത്തി
സംസ്ഥാന തലത്തില്‍ കണ്ടല്‍കാടുകള്‍ മാപ്പിംഗ് നടത്തുന്നതിന്റെ ഭാഗമായി കണ്ണൂര്‍ ജില്ലയില്‍ വിദഗ്ധ സംഘം സന്ദര്‍ശനം നടത്തി . ഡോ. വി എസ് വിജയന്‍, ഡോ. യു. കെ. ഗോപാലന്‍, പ്രൊഫ്‌. വി ആര്‍ രഘുനന്ദനന്‍, വി. കെ . മധുസൂതനന്‍ എന്നിവരടങ്ങിയ സംഘം മയ്യഴിപ്പുഴ, ധര്‍മടം പുഴ, വളപട്ടണം പുഴ എന്നിവയുടെ തീരത്തും കവ്വായി കായല്‍ ഭാഗത്തും പഠനം നടത്തി. ഡോ. ഖലീല്‍ ചൊവ്വ , പ്രൊഫ്‌. എം. ഭാസ്കരന്‍, കെ.വി. ജാനകി ടീച്ചര്‍ , പ്രൊഫ്‌. ടി.പി. ശ്രീധരന്‍, ബി. വേണു , പി. വി. ദിവാകരന്‍, ടി. വി നാരായണന്‍ , എ വി ദാമോദരന്‍, കെ. ബാലകൃഷ്ണന്‍ തുടങ്ങിയവര്‍ പങ്കെടുത്തു.
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)